The Devil's Advocate.

Freedom of expression.

Alright. I've heard about that.

At kung mambabasa ka ng BLOG na 'to, you know my rules.


Ang dami ko na namang naririnig na kung ano-anong isyu ng mga estudyante sa Ateneo. Mahigit sa maraming beses e, kakampi ako ng mga estudyanteng 'to. Oo, bulok ang pamamalakad ng unibersidad natin. Maraming butas ang dapat tapalan. Maraming baho ang dapat buhusan ng sampung galon ng pabango pero hindi ba natin na isip na parte tayo ng dumi ng binabastos nating sistema.

Ewan ko lang. Masyadong self-conceited ang ibang estudyante. Kung makapagsalita akala mo andami ng napatunayan sa buhay. Akala mo kung sinong perpektong tao. Pwe. Hilaw pa tayo at walang alam, pero kung makapagbato ng mga salita (o sige, para sa mga naghuhugas kamay, KUNG MAKAPAG-ISIP naman tayo) para bang ang gagaling natin.

Kung ikaw ba tatanungin ko, ilang beses mo na bang winaldas ang perang pinaghirapan ng magulang mo? Ilang beses ka na bang natuwa dahil ipinasa ka ng prof mo kahit sa sarili mo alam mong hindi sapat ang naibigay mo? Ilang beses mo na bang dinaya ang sarili mo at linamangan ang iba tao dahil gusto mo lang ipasa ang 10-item quiz o pati na midterm exam mo? Ilang beses mo na bang inuna ang pagbili na yosi kesa sa dumiskarte ng isang piraso ng tablet paper? Ilang beses mo na bang linait ang freshmen dahil kung maka-kilos sila e parang high school? Ano na bang napatunayan mo sa sarili mo? Huwag kang plastik. Minsan mas masahol pa tayo sa bulok na sistema nating ginagalawan.

Buti nga ang sistemang 'to may naibibigay sayo. Kahit papaano, aminin mo marami ka rin namang natutunan. Buti pa ang sistemang tao, marunong tumanggap ng mga hilaw na Atenista. Best university in Bicol? Yeah, fuck that! But then again, it maybe right. Ateneo's the best university in Bicol but that doesn't mean it has the best students.

Ewan. Nakakainis lang kasing marinig ang ilang reklamo. Reklamo nang reklamo. Mga wala namang silbi. Parang iresponsableng MEDIA kung maka-dada kung minsan. Hanggang salita na lang ba ang kaya natin? Hanggang pagmumura na lang ba tayo?

Sus! Huwag kang plastik. Nakikinabang ka rin naman sa pangalan ng unibersidad na (HUWAG-MONG-IPAGMALAKI-SAKING-BINAYARAN-MO) nagbibigay sa'yo ng self-satisfaction sa tuwing may nagtatanong kung saan ka nag-aaral.

Kung magaling tayong talaga, dapat alam natin kung paano makikipaglaro sa bulok na sistemang 'to. Huwag mong isigaw ang INJUSTICE at CORRUPTION dahil isasampal sa'yo ng kasaysayan ng buhay mo na GUILTY ka rin sa dalawang salitang ito.

Sabi nga, kung hindi ka parte ng solusyon, parte ka ng problema.